AURKEZPENA
Euskal Herriko V. Ikus-entzunezkoen Rallya 2009ko abenduaren 12an egingo da. Lehiaketa Bermeon (Bizkaia) egingo da. Lehiaketa egunean goizeko 9:00etan, gaiarekin batera herriko hainbat ezaugarrien zerrenda emango zaie parte-hartzaileei. Ikus-entzunezkoetan gutxienez hiru ezaugarri islatu beharko dira. Grabaketa eta edizio-lanak goiz zein arratsaldez egin ahal izango dira.

Arratsaldeko 19:00etan entregatuko dira egunean zehar ekoiztutako lanak. Egunean eta toki berean sari banaketa egingo da.

BALDINTZAK

• Euskal Herriko gazte euskaldunek parte hartu ahal izango dute.
• Parte-hartzaileak 18 eta 35 urte bitarteko gazteak izango dira.
• Kameratoia, gehienez, hiru minutuko ikus-entzunezko lana sortzean datza.
• Gaia eta ezaugarriak zeintzuk izango diren egunean bertan adieraziko da.
• Hizkuntzaren presentzia ezinbestekoa da, ahozkoa edo idatzizkoa euskara hutsean.
• Parte-hartzaileek ekarri beharko dituzte grabazio eta ediziorako beharrezko aparailu guztiak: ordenagailu, kamera, euskarri digitalak, kargadore, kable, luzagailu eta bestelakoak.
• Ikus-entzunezko lanak AVI formatuan DV PAL-en entregatu beharko dira arratsaldeko 19:00etan.
• Topagunea ez da ekipoen galera edo ezbeharren erantzule egingo

SARIAK

1. 1.500 eurokoa
2. 1.200 eurokoa
3. 900 eurokoa

* Antolakuntzak hala erabakiz gero, sariak banatu gabe gera daitezke

IZEN EMATEA

• Lehiaketan izena emateko azken eguna 2009ko azaroaren 30a izango da. Parte-hartzaileek bidali beharreko datuak hauek dira:
• Izen-abizenak,
• Jaiotze data,
• Telefonoa
• E-posta
• Helbide osoa
• NAN-aren irudia
• Izen ematea webgune honen bidez egin daiteke
  
• Talde kopurua mugatua izango da.

SARIKETA ETA EPAIMAHAIA

•  Epaimahaia artea eta kultura munduko profesionalek eta ordezkariek osatuko dute.
• Sarituak zeintzuk izan diren egunean bertan jakinaraziko da, lanen proiekzioaren ondoren egongo den sari banaketa ekitaldian.

LANEN LIZENTZIA

• Kameratoian ekoitzitako lanak Creative Commons AITORTU-PARTEKATU lizentziapean zabalduko dira. Horren arabera, egileek baimena ematen dute euren lana edozeinek ikusi, erakutsi edota berrerabiltzeko, beti ere egiletza aitortuz eta eratorritako lanak baldintza berdinetan partekatuz.

• Antolakuntzak, beharrezko jotzen dituen aldaketak egiteko eskubidea du.
• Arazo edo zalantzarik egonez gero antolakuntzak erabakitzeko ahalmena izango du.

* Lehiaketan parte-hartzeak derrigorrez oinarri hauek onartzea dakar.

Informazio gehiago eta zalantzak argitzeko, ondoko zenbaki eta helbidera jo: