Zer dira Sariak?

Benito Ansola, sari banaketa

2012ko irabazleak, Benito Ansolarekin

Euskaltzaleen Topaguneak, BENITO ANSOLA SARIAK SORTU ZITUEN 2010ean, euskal kultura zabaldu eta ikus-entzunezkoen ekoizle gazteei laguntza emateko asmoz.

Lekeitioko Udala eta Euskal Zine Bilerarekin batera, EHUren Mikel Laboa katedraren babesarekin eta Eusko Jaurlaritzako Gazteria eta Gizarte Ekintzarako Zuzendaritza eta Bizkaiko Foru Aldundiko Gazteria Zuzendaritzaren laguntzaz, hirugarren edizioa antolatu du 2015ean.

Parte hartzaileek, urriaren 16ra arte izango dute lanak aurkezteko aukera, eta azaroan, Lekeitioko Euskal Zine Bileraren itxiera ekitaldian jakinaraziko da irabazlearen izena. Irabazleak ikus-entzunezko proiektu bat ekoizteko 3.000 euroko saria jasoko du, eta 2016ko irailera bitartean izango du denbora proiektua gauzatzeko; 2016ko Euskal Zine Bileran aurkeztuko da ikus-entzunezkoa.

2012ko Benito Ansola saria, Maria Elorzak (Donostia, 1988), Maider Fernandezek (Donostia, 1988) eta Aitor Gametxok (Lekeitio, 1989) lortu zuten saria, “Irudi mintzatuen hiztegi poetikoa” proiektuarekin.

Irudi mintzatuen hiztegi poetikoa”, nolabait poetikoak dire euskarazko hainbat esamolderen hiztegi edo bilduma osatzen duen film laburra da. Honen bidez, galtzen ari diren hizkerak jaso nahi dituzte sortzaileek, eta aldi berean, Euskal Herriko erretratu liriko bat egin.

2013ko Euskal Zine Bileran estreinatu zen, eta ordutik hainbat sari jaso ditu han eta hemen. Proiektua gainera, ez zuten ikus-entzunezkoarekin amaitutzat eman, aurrera jarraitzen dute ideiak garatuz.